***** მეორე კლასში გადამსვლელ მოსწავლეებს ვთავაზობთ ოთხსაათიან საავტორო პროგრამას სახელწოდებით „სათავგადასავლეთი“, რომელიც მოიცავს 15 დღეს და ოთხ მიმართულებას: ინგლისური, თხრობა და ხელოვნება ქართულად, რიცხვების სამყარო,  სიმღერა / მუსიკა ქართულად და ინგლისურად. ყოველი დღე გახალისდება და შეივსება ფიზიკური აქტივობებითა და თამაშობებით. 

სამი კვირის (შაბათ-კვირის გარდა) და დღეში ოთხი საათის განმავლობაში პატარები იმოგზაურებენ შემეცნებით, ხალისიან და თავგადასავლებით აღსავსე სამყაროში:

მელოდიების პლანეტა  „ღიღინოზი“

პლანეტა „ღიღინოზზე“ სიმღერის გარდა პატარები განივითარებენ მუსიკალურ სმენას, რიტმის გრძნობას, მუსიკის ჰარმონიულ აღქმასა და გემოვნებას. ისწავლიან ამბებს დირიჟორის, ორკესტრისა და ინსტრუმენტების მეგობრობის შესახებ და გაეცნობიან გუნდის, სოლისტისა და ნოტების სიყვარულის ისტორიებს.

გაცოცხლებული ამბების პლანეტა  „სთორილენდი."

„სთორილენდზე“ გატარებული დრო ხელს შეუწყობს წიგნიერებისა და შემოქმედებითი უნარების გავითარებას. ბავშვები მოისმენენ, იმსჯელებენ და მრავალფეროვანი აქტივობებით გააცოცხლებენ წაკითხულ ამბებს: ინსცენირება, ხატვა, ძერწვა, აპლიკაცია და სხვა.  პატარა მოგზაურებს მიეცემათ საკუთარი ემოციების და დამოკიდებულებების გამოხატვის სივრცე. ისინი განივითარებენ ფანტაზიის უნარს, შეძლებენ ჯგუფურ და ინდივიდუალურ მუშაობას, და მიეჩვევიან უკუკავშირს. პროგრამა გათვლილია მოტორული და კოგნიტური უნარების გავითარებაზე.

პლანეტა "ანგლიკა" 

შემდეგი გაჩერებაა „პლანეტა ანგლიკა,“ სადაც მოგზაურები შეიმეცნებენ სხვა ქვეყანაში მცხოვრები თანატოლების ცხოვრების სტილსა და გამოცდილებას. ამ პლანეტაზე დაგეგმილი აქტივობების უმთავრესი მიზანია ინგლისურ ენაზე თავდაჯერებულად საუბრის, წერის, კითხვის და გაგების უნარების გავითარება და გაუმჯობესება.

პლანეტა "რიცხვების სამყარო" 

მათემატიკის საბაზისო კონცეფციების გაცნობა და ხალისი თამაშითა და კეთებით სწავლით. 

პროგრამას წარუძღვებიან გამოცდილი სპეციალისტები. ჯგუფში მაქსიმუმ 12 მოსწავლე მოიაზრება.